SOCAR-ın prezidenti “TotalEnergies”in Avropa üzrə birinci vitse-prezidenti ilə görüşüb - FOTO

1 iyun 2023-cü il tarixində Azərbaycan Respublikası Dövlət Neft Şirkətinin (SOCAR) prezidenti Rövşən Nəcəf “TotalEnergies”in Avropa üzrə birinci vitse-prezidenti Jan-Lyuk Gizyu ilə görüşüb.

Görüşdə SOCAR ilə “TotalEnergies” arasında uzunmüddətli əməkdaşlıq əlaqələrindən məmnunluq ifadə olunub, “Abşeron” qaz-kondensat yatağının işlənilməsinin birinci mərhələsi - Erkən Hasilat Sxemi (EPS) çərçivəsində görülən işlər, layihənin cari vəziyyəti, müasir texnoloji və təhlükəsizlik sistemləri ətrafında müzakirə aparılıb.

Görüş çərçivəsində, həmçinin “Abşeron” yatağının işlənməsinin ikinci mərhələsi (Faza-1) haqqında danışılıb, neft-qaz və bərpa olunan enerji sahəsində potensial əməkdaşlıq imkanları nəzərdən keçirilib.

Qalereya