"İslami Cihad" İsrail şəhərlərinin atəşə tutulmasına görə məsuliyyəti öz üzərinə götürüb

Fələstinin "İslami Cihad" təşkilatı atəşkəs başa çatdıqdan sonra İsrail şəhərlərinin atəşə tutulduğunu açıqlayıb.

Bu barədə "İslami Cihadı"n hərbi qanadı olan "Saraya əl-Qüds"ün telqram kanalı məlumat yayıb.

"Düşmənin bu gün səhər saatlarında xalqımıza qarşı törətdiyi cinayətlərə cavab olaraq İsrailin şəhər və qəsəbələrinə zərbələr endirdik”, - bəyanatda deyilir.

Dekabrın 1-i səhər saatlarında İsrail Müdafiə Qüvvələri Fələstinin HƏMAS hərəkatını atəşkəsi pozmaqda ittiham edib və Qəzza zolağında döyüşləri bərpa etdiyini açıqlayıb.