Şimal-qərb bölgəsində növbədənkənar parlament seçkilərinə start verilib

Ölkənin şimal-qərb bölgəsində növbədənkənar parlament seçkilərində səsvermə başlayıb.

"Report"un Şimal-qərb bürosunun məlumatına görə, Oğuz, Qəbələ və Şəki rayonları ərazisində fəaliyyət göstərən bütün seçki məntəqələrində seçkiyə start verilib.

117 saylı Oğuz-Qəbələ-Şəki seçki dairəsi üzrə 64 məntəqə fəaliyyət göstərir. Bunlardan 8 məntəqədə veb-kamera, 20 məntəqədə isə pandus quraşdırılıb.

Seçki dairəsi üzrə 54 min 690 seçici qeydiyyata alınıb, onlardan 554 nəfəri ilk dəfə səs verəcək. Dairə üzrə həmin gün 18 yaşı tamam olan 2 seçici var.

117 saylı Oğuz-Qəbələ-Şəki seçki dairəsinin seçki məntəqələrində 772 müşahidəçi seçkini izləyəcək.

Qalereya