Şuşada "Asan" xidmət mərkəzi yaradılacaq

“İşğaldan azad olunan ərazilərdə “Asan” xidmət mərkəzi fəaliyyətə başlayacaq ilk mərkəz Şuşa şəhərində yaradılacaq”.

BAKU.WS-in yerli bürosunun verdiyi məlumata görə, bu fikirləri bu gün Gəncə şəhərində istifadəyə verilən 2 saylı Gəncə regional “ASAN xidmət” mərkəzində qurumun 2021-ci ilə aid hesabat məruzəsi ilə çıxış edən Vətəndaşlara Xidmət və Sosial İnnovasiyalar üzrə Dövlət Agnetliyinin sədri Ülvi Mehdiyev bildirib. Onun sözlərinə görə artıq Şuşa şəhərindən bu istiqamətdə ilkin işlərə başlanılıb.

"Şuaşada artıq lahiyə təsdiq olunub, bina yeri ayrılıb, orada "Asan" xidmət mərkəzi fəaliyyətə başlayacaq. Digər regionlarlmızla bağlı isə hamımız şahidi olduq ki, erməni vandalizmi hansı səviyyədə şəhərlərimizin soyqrımı həyata keçirib. İnfrastruktur işləri gedir, minalar təmizlənir. Təbii ki, zəruri olan münbit şərait qurulduqdan sonra işğaldan azad olunan digər bölgələrdə də "Asan" xidmət mərkəzi fəalliyyət göstərəcək", - deyə Ü.Mehdiyev qeyd edib.