Samir Şərifov: Azərbaycan və ABŞ enerji sahəsində güclü əməkdaşlıq qurub

Azərbaycan terrorizmə və qlobal təhdidlərə qarşı mübarizədə ABŞ ilə səmərəli əməkdaşlıq edir, bundan əlavə, enerji sektorunda güclü əməkdaşlıq qurulub.

“Report” xəbər verir ki, bunu Azərbaycanın maliyyə naziri Samir Şərifov ABŞ-nin müstəqilliyinin 248-ci ildönümünə həsr olunmuş tədbirdə deyib.

“Azərbaycan noyabrda Bakıda keçiriləcək COP29 iqlim konfransının uğurlu təşkilində göstərdiyi köməyə görə ABŞ-a təşəkkür edir”, - nazir bildirib.

O qeyd edib ki, Azərbaycan eyni zamanda ABŞ-nin Cənubi Qafqazda sülhün bərqərar olması ilə bağlı təşəbbüslərini yüksək qiymətləndirir.

S.Şərifov əlavə edib ki, Azərbaycan Qarabağın və Şərqi Zəngəzurun bərpası, reinteqrasiya və regional kommunikasiyaların bərpasında ABŞ-dən dəstək gözləyir.