Rusiyanın "Su-34" qırıcıları Ukraynaya "FAB-500" bombaları atıb

Su-34 qırıcı-bombardmançı təyyarələrinin ekipajları Ukrayna Silahlı Qüvvələrinin dəstək məntəqəsi və canlı qüvvəsinə "FAB-500" aviasiya bombaları ilə zərbə endirib.

Bu barədə Rusiya Müdafiə Nazirliyi məlumat yayıb.

"Zərbə universal planlaşdırma və düzəliş modulu olan "FAB-500" idarə olunmayan hava bombaları ilə həyata keçirilib. Kəşfiyyatdan hədəflərin vurulduğuna dair təsdiq aldıqdan sonra ekipajlar uçuş aerodromuna qayıdıblar", - deyə mlumatda qeyd olunur.

Qeyd edək ki, "FAB-500" bombaları Sovet İttifaqı dövründə hazırlanmış və hazırda da istifadə olunan aviasiya bombalarıdır. Bu bombalar müxtəlif növ hərbi hədəflərin, o cümlədən canlı qüvvənin, texnikanın və infrastrukturun məhvi üçün nəzərdə tutulub.

Üstünlükləri:

Yüksək partlayıcı güc - Böyük partlayıcı yükləmə qabiliyyəti sayəsində geniş miqyaslı zərbələr endirə bilir.Sadəlik və etibarlılıq - İdarə olunmayan dizaynı onu sadə və etibarlı edir.

Dezavantajları:

Dəqiqlik - İdarə olunmayan bombalar olduğu üçün dəqiqlik idarə olunan bombalara nisbətən daha aşağıdır.Sabitlik - Atışdan sonra bombanın sabit uçuş trayektoriyasını saxlamaq üçün xüsusi sabitləşdirici sistemlər tələb olunur.

FAB-500 bombaları, xüsusilə geniş miqyaslı və strateji zərbələr üçün Rusiya Hərbi Hava Qüvvələrinin arsenalında mühüm rol oynayır. Onların istifadəsi geniş hərbi əməliyyatların aparılmasında böyük təsirə malikdir.