İran XİN: Rəsmi Tehran Bakı ilə əlaqələrini inkişaf etdirməkdə qərarlıdır

“Rəsmi Tehran Bakı ilə əlaqələrini inkişaf etdirməkdə qərarlıdır”.

BAKU.WS xəbər verir ki, bunu İranın Xarici İşlər Nazirliyinin sözçüsü Səid Xətibzadə APA-ya açıqlamasında deyib.

S. Xətibzadə bildirib ki, İranın yüksək çinli məsul şəxsi Azərbaycana səfir göndərməsi əlaqələrin inkişafında ciddi niyyətinin göstəricisidir: “İran Azərbaycanda əlaqələri inkişaf etdirməkdə heç bir sərhəd tanımır".

Azərbaycan və İran rəsmilərinin yaxın günlərdə görüşü ilə suala cavab olaraq, S.Xətibzadə “ümid edirik ki, koronavirus pandemiyası azalacaq və nəzərdə tutulan görüşlər davam etdiriləcək”, - deyə bildirib.

S.Xətibzadə Azərbaycan, Rusiya və İran arasında üçtərəfli zirvə görüşü ilə bağlı deyib ki, hazırda bu görüşün keçirilməsi imkanları araşdırılır.