Qazaxıstan Talibanı respublikada qadağan olunmuş təşkilatlar siyahısından çıxarıb

Qazaxıstan hakimiyyəti “Taliban” hərəkatını (Rusiya Federasiyasında qadağan olunmuş) ölkədə fəaliyyəti qadağan olunmuş təşkilatlar siyahısından çıxarmaq qərarına gəlib.

BAKU.WS xəbər verir ki, bu barədə “Kazinform” agentliyinə müsahibəsində Respublika Xarici İşlər Nazirliyinin rəsmi nümayəndəsi Aybek Smadiyarov bildirib.

"Qazaxıstan mütəmadi olaraq Respublikada qadağan olunmuş terror təşkilatlarının siyahısını yeniləmək üçün nəzərdən keçirir. Bu prosesin bir hissəsi olaraq BMT praktikasına uyğun olaraq Taliban hərəkatının siyahıdan çıxarılması barədə qərar qəbul edilib”.

Xarici İşlər Nazirliyinin rəsmi nümayəndəsi Qazaxıstanla Taliban arasında diplomatik əlaqələrin necə inkişaf edəcəyi barədə sualları cavablandırıb:

“Siyasi təmaslara gəldikdə, vurğulamaq istərdim ki, Qazaxıstan bundan sonra da Təhlükəsizlik Şurası və BMT Baş Assambleyası tərəfindən qəbul edilmiş qərar və qətnamələrə ciddi şəkildə əməl edəcək”.

Avqustun 3-dən 5-dək Astanada Qazaxıstanın Əfqanıstanla birgə biznes forumu keçirilib. Forumda Əfqanıstan tərəfindən iqtisadiyyatın müxtəlif sektorlarından, o cümlədən banklardan 150-dən çox sahibkar iştirak edib. Tədbirin yekunu olaraq Qazaxıstan və Əfqanıstanın işgüzar dairələrinin nümayəndələri arasında 190,8 milyon ABŞ dolları dəyərində müqavilələr imzalanıb.