Prezidentin Naxçıvana təyin etdiyi yeni xüsusi nümayəndə KİMDİR? - DOSYE

Dövlətimizin başçısı İlham Əliyevin müvafiq sərəncamı ilə Ceyhun Ramiz oğlu Cəlilov Naxçıvan Muxtar Respublikasında Azərbaycan Prezidentinin səlahiyyətli nümayəndəsi vəzifəsinə təyin olunub.

BAKU.WS Ceyhun Cəlilov dosyesini təqdim edir:

Ceyhun Ramiz oğlu Cəlilov 1987-ci ildə Naxçıvan Muxtar Respublikasının Şahbuz rayonunda anadan olub.

O, 2009-cu ildə Azərbaycan Dövlət İqtisad Universitetinin "Beynəlxalq iqtisadi münasibətlər" sahəsi üzrə bakalavr, 2012-ci ildə isə magistr dərəcəsi alıb.

2012-2013-cü illərdə "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı"-nın maliyyələşməsi çərçivəsində Böyük Britaniya və Şimali İrlandiya Birləşmiş Krallığının Esseks Universitetində Maliyyə menecmenti ixtisası üzrə magistr təhsili alıb. 2023-2025-ci illər ərzində Böyük Britaniya və Şimali İrlandiya Birləşmiş Krallığında London İqtisadiyyat və Siyasi Elmlər Məktəbində (LSE) Dövlət və ictimai idarəetmə üzrə idarəedici rəhbərlər üçün magistr dərəcəsinə yiyələnib.

Əmək fəaliyyətinə 2011-ci ildə Azərbaycan Respublikası İqtisadi İnkişaf Nazirliyinin Beynəlxalq təşkilatlarla əməkdaşlıq şöbəsində başlayıb.

2013-2021-ci illərdə BP Exploration (Caspian Sea) LTD-nin Maliyyə departamentində kommersiya fəaliyyəti, planlama və maliyyə idarəetməsi funskiyaları üzrə bir sıra vəzifələrdə əmək fəaliyyətini davam etdirib.

2021-2023-cü illərdə Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dayanıqlı və Operativ Sosial Təminat (DOST) Agentliyində İdarə Heyəti sədrinin müşaviri və İdarə Heyəti sədrinin müavini vəzifəsində çalışıb.

2023-2024-cü illərdə Naxçıvan Muxtar Respublikasının əmək və əhalinin sosial müdafiəsi naziri vəzifəsində işləyib.

2024-cü il 25 aprel tarixində isə Naxçıvan Muxtar Resublikasının Baş naziri vəzifəsinə təyin edilib.

Ailəlidir, 2 övladı var.