Pakistanın yeni baş naziri Türkiyədə rəsmi səfərdədir

Pakistanın baş naziri Şahbaz Şərif Türkiyəyə rəsmi səfərə gəlib.

BAKU.WS "Oxu.az"a istinadən xəbər verir ki, Türkiyə dövlət başçısı Rəcəb Tayyib Ərdoğan Şərifi Ankaradakı Prezident İqamətgahında qarşılayıb.

Mərasim zamanı iki ölkənin dövlət himnləri səsləndirilib.

İki ölkənin nümayəndə heyətlərinin təqdimatından sonra prezident Ərdoğan və Baş nazir Şərif birgə şəkil çəkdiriblər.

Baş-başa görüşən Ərdoğan və Şərif, müqavilələrin imzalanma mərasimində iştirak edəcək və heyətlər arasındakı görüşlərdən sonra birgə mətbuat konfransı keçirəcəklər.