Özbəkistanda respublika parlamentinə seçkilər başa çatıb
Özbəkistan parlamentinin qanunvericilik palatasına deputatların seçkiləri üzrə seçki məntəqələri yerli vaxtla saat 20:00-da ölkə ərazisində bağlanıb.
BAKU.WS apa-ya istinadən xəbər verir ki, bu barədə Özbəkistan Mərkəzi Seçki Komissiyasının mətbuat xidməti məlumat verib.
"Daşkənd vaxtı ilə saat 20:00-da ölkə üzrə bütün 10 971 seçki məntəqəsi bağlanıb" - mətbuat xidmətinin nümayəndəsi bildirib.
Bundan əvvəl bildirilib ki, bu parlament seçkiləri zamanı ümumilikdə 11 028 yerli seçki məntəqəsi, o cümlədən respublikanın xaricdəki diplomatik nümayəndəliklərində 57 məntəqə açılıb.
Özbəkistan xarici işlər nazirinin birinci müavini Bahromjon Aloev MSK-nın mətbuat mərkəzində keçirdiyi brifinqdə bildirib ki, oktyabrın 28-də ABŞ-da yerli vaxtla saat 05:00-da respublikanın Zakçamta seçkiləri üzrə sonuncu seçki məntəqəsi bağlanacaq.
Saat 17:00-a olan məlumata görə, seçkilərdə 14 264 994 seçici və ya 71,52% səs verib. Bunu mətbuat mərkəzində keçirdiyi brifinqdə Özbəkistan Mərkəzi Seçki Komissiyasının sədr müavini Baxrom Kuçkarov deyib.
Oxşar xəbərlər
Salome Zurabişvili parlament seçkilərinin nəticələrini tanımaqdan imtina edib
Gürcüstan Prezidenti Salome Zurabişvili ölkədə keçirilən parlament seçkilərinin hakim "Gürcü arzusu - Demokratik Gürcüstan" Partiyasının qələbəsi ilə nəticələnm...