İngiltərədə hər şey bahalaşıb deyə Antalyaya 5 ulduzlu otelə köçdü - FOTO

24 yaşlı Cok Kerr qeyri-adi addımı ilə dünya mətbuatının gündəmini zəbt edib.

BAKU.WS xarici KİV-ə istinadən xəbər verir ki, İngiltərənin Mançestr şəhərində yaşayan Cok aylıq xərclərinin çoxaldığını bildirib. O Mançestr şəhərindəki bahalıq səbəbilə Türkiyənin Antalya şəhərinə köçüb.

Burada 5 ulduzlu lüks otellərdən birinə yerləşib. Kerr Mançestrda bir aylıq xərcinin lüks oteldə qalmaqdan daha çox olduğunu deyib.

"Mançestrda aylıq kirayə haqqı və kommunal xərclərim 951 funt-sterlinq edir.

Burada isə 28 gün üçün otelə 944 funt-sterlinq ödəyirəm. Yəni 5 ulduzlu lüks otelə hələ 7 funt-sterlinq az ödəyirəm. Hədəfim bütün Türkiyəni gəzməkdir. Bura artıq 3-cü dəfədir ki, gəlirəm. Daha əvvəl Marmaris və Sideyə getmişdim. İstanbul Kars və Sivas şəhərlərini də gəzmək istəyirəm" - deyə o bildirib.