Oğlunun ölüm xəbərini instaqramda paylaşan ana tənqid edildi - FOTO/VİDEO

Türkiyədə sosial media fenomeni Rahşan Suluhanın oğlu Selahattin Suluhan qaladan yıxılaraq ölüb.

BAKU.WS Türkiyə KİV-ə istinadən xəbər verir ki, tibb fakültəsində təhsil alan gənc tarixi Çamlıyayla Namrun qalasından yıxılaraq dünyasını dəyişib.

Rahşan bu kədərini sosial şəbəkə istifadəçiləri ilə bölüşüb. İnstaqram hesabında video paylaşan fenomen “Yaşıl zeytunum” deyə adlandırdığı övladının artıq həyatda olmadığını deyib.

Rahşanın bu paylaşımı sosial şəbəkə istifadəçiləri tərəfindən birmənalı qarşılanmayıb.

Belə ki, bəzi istifadəçilər fenomenin fəryad edərək paylaşdığı görüntülərə ürək ağrısı ilə yanaşarkən, digərləri onun bu paylaşımını tənqid ediblər.

Fenomenin ünvanına, “Bu halında belə izləyici toplamaqla məşğuldur”, - kimi şərhlər yazaraq onu qınaq atəşinə tutublar.

Xatırladaq ki, Rahşan Suluhanın "Rahşanın mutfağı" adlı instaqram səhifəsi var. O, “Yemekteyiz” programının qalibi olub.