İnsanda depressiyaya bunlar səbəb olur

İrlandiyanın Cork Universitetinin alimləri bağırsaq mikrobiyasının (Bağırsaqların içində yaşayan mikroskopik canlıların hamısına mikrobiom deyilir) immunitet sisteminə və beynin bəzi hissələrində oksitosin istehsalına təsir etdiyini müəyyən ediblər.

BAKU.WS xarici KİV-ə istinadən xəbər verir ki, nəticədə yaranmış vəziyyət sosial narahatlıq pozğunluğunun inkişafına səbəb olur.

Bu barədə "PNAS" jurnalında məqalə dərc edilib.

Sosial narahatlıq pozğunluğu və ya sosiofobika bir insanın yaşadığı qorxu ilə xarakterizə olunur. Sosial əlaqələrdə iştirak etmək məcburiyyəti insanın gündəlik həyatını çətinləşdirən əhəmiyyətli dərəcədə stres yaradır.

Bununla belə, bu xəstəliyi müalicə etmək olduqca çətindir. Bəzən terapiya effekt vermir, buna görə də alimlər yeni yollar axtarırlar.

Araşdırmalar göstərir ki, bağırsaq mikrobiomu insanın emosional vəziyyətinə təsir edir və depressiyaya səbəb ola bilər.

Əvvəllər müəyyən olunub ki, sosiofobların bağırsaq mikrobiotaları sağlam insanlardan fərqlənir.

Yeni araşdırmada tədqiqatçılar altı sağlam və altı xəstəlikdən əziyyət çəkən şəxslərin fekal nümunələrini antibiotiklərdən məhrum edilən 12 siçanın mikrobiotasına köçürüblər.

Sosiofobik nümunələrə sahib olan gəmiricilərin ümumi narahatlığı artmayıb, lakin sosial qarşılıqlı əlaqə ilə bağlı narahatlıq artıb.

Ekspertlərin sözlərinə görə, tədqiqatın sonunda siçanların bağırsaq mikrobiomunun təhlili əhəmiyyətli fərqlər göstərib. Onlar məsələ il bağlı bu araşdırmalarını davam etdirəcəklər.