Mövlud Çavuşoğlu ilə Sergey Lavrov Qarabağ məsələsini müzakirə edəcək

Türkiyənin xarici işlər naziri Mövlud Çavuşoğlu dekabrın 29-da Rusiyaya işgüzar səfər edəcək.

BAKU.WS xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova Moskvada keçirilən brifinqdə bildirib. O qeyd edib ki, Mövlud Çavuşoğlu Soçidə rusiyalı həmkarı Sergey Lavrovla görüşəcək.

Görüş zamanı ikitərəfli əməkdaşlığın inkişafı məsələləri, həmçinin aktual regional məsələlər, o cümlədən Dağlıq Qarabağ məsələsi və birgə monitorinq mərkəzinin yaradılması məsələsi müzakirə ediləcək.

Görüşlərdə həmçinin Yaxın Şərqdə, Cənubi Qafqazda, Mərkəzi Asiyada, Ukraynada və Qara dəniz hövzəsində vəziyyət nəzərdən keçiriləcək.