Moskvada qalan Petek: "İnternet kəsildi saatlarla əlaqə qura bilmədik" - FOTO

"Saatlarla bizdən xəbər ala bilməyən ailəmiz, sevənlərimiz və dəyərli media əməkdaşları olan dostlarımıza Moskvadakı vəziyyətimizlə bağlı məlumat vermək istəyirəm. Həyat yoldaşım, qrim ustam və mən şənbə günü təyyarə ilə Moskvaya uçduq. Aylar əvvəl Moskvada bir toyda bu gecə üçün səhnə alacağım barədə razılığa gəlmişdik. Toyun keçirildiyi otelə gəldik, bu zaman ölkədə çevrilişə cəhd edildiyini öyrəndik".

BAKU.WS xəbər verir ki, bu sözləri məşhur müğənni Petek Dinçöz sosial şəbəkə hesabında yazıb.

Ötən gün Moskvada toylardan birində çıxış edən ifaçı Rusiyada vəziyyətin qarışdığını, bu səbəblə də uzun müddət telefon və internet əlaqəsinin kəsildiyini qeyd edib:

"Bütün internet əlaqəsi və telefon istifadəsi mümkünsüz olduğundan oteldə toya hazırlaşmağa başladıq və toydan sonra təkrar otelə qayıtdıq. Saatlarla dünya ilə əlaqə qura bilmədik. Sonuncu dəfə əlaqə qurmaq üçün bir internet paketi əldə etdik və onun üzərindən instaqrama daxil ola bildik".