Məşhur biznesmen koronavirusla mübarizə üçün 1,4 milyon dollar bağışladı

İtaliyalı modelyer Corco Armani koronavirusla mübarizə üçün İtaliya hökumətinə 1,4 milyon dollar bağışlayıb.

BAKU.WS gazeta.ru-ya istinadən xəbər verir ki, bu məbləğ Milandakı 3 xəstəxana, Roma Klinikasına və Mülki Müdafiə Agentliyinə ayrılıb.

Məlumat üçün bildirək ki, İtaliyada bu gündən etibarən ölkə miqyasında karantina elan olunub. Ölkədə idman yarışları, müsabiqələr, tədbirlər təxirə salınıb, təhsil müəssisələri, muzeylər, teatrlar, əyləncə mərkəzləri fəaliyyətini dayandırıb.