Kiyevə raket hücumu - Ölənlər və yaralananlar var

Ötən gecə Rusiya Federasiyası Ukraynanın paytaxtına raketlərlə hücum edib.

BAKU.WS UNİAN-a istinadən xəbər verir ki, bu barədə Kiyev şəhər hərbi administrasiyasının rəhbəri bildirib.

Onun sözlərinə görə, raketlərin çoxmərtəbəli binaya düşməsi nəticəsində iki nəfər ölüb, 8 nəfər yaralanıb:

"Solomenski rayonunda 24 mərtəbəli binaya raket düşməsinin fəsadları ilə bağlı məlumat dəqiqləşdirilib. Hazırda ölənlərdən ikisinin şəxsiyyəti müəyyən edilib. Xəsarət alanların sayı 8 nəfərdir. Yaralananlardan ikisi xəstəxanaya yerləşdirilib, qalanlarına yerindəcə tibbi yardım göstərilib. Dayanacaqda saxlanılan 40-a yaxın avtomobilə də ziyan dəyib".