Türkiyənin iki vilayətdə əməliyyat: Mütəşəkkil cinayətkar qrup məhv edildi - VİDEO

Mərkəzi Adanada olan 2 vilayətdə təşkil edilən "Kuyu-1" əməliyyatlarında Mustafa Altınyüzük və Ramazan Altınyüzükün rəhbərlik etdiyi mütəşəkkil cinayətkar qrup məhv edilib.

BAKU.WS-in xəbərinə görə, bu barədə Türkiyənin daxili işlər naziri Ali Yerlikaya məlumat yayıb.

Adana və Muğlada təhdid, adam öldürməyə cəhd və qeyri-qanuni silah ticarəti ilə məşğul olduğu müəyyən edilən cinayət təşkilatına qarşı əməliyyat keçirilib.

Keçirilən əməliyyatlar zamanı mütəşəkkil cinayətkar dəstənin üzvləri, o cümlədən aralarında qruplaşma rəhbərləri olan 51 şübhəli yaxalanıb.

Əməliyyatlar nəticəsində çoxlu sayda sənədsiz tapança və ov tüfəngi götürülüb.