Hikmət Hacıyev "AnewZ"un Şəki barədə hazırladığı filmi paylaşıb

Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev "X" hesabında "AnewZ" telekanalının Şəki barədə hazırladığı sənədli filmi paylaşıb.

Film "Şəki: Şəbəkə, tarix və sənətkarlığın Azərbaycanın canlı irsini toxuduğu məkan" adlanır.

Filmdə qeyd olunur ki, Böyük Qafqaz dağlarının möhtəşəm fonunda yerləşən Şəki – incəsənət, riyaziyyat, memarlıq və təbiətin heyrətamiz ahəngdə qovuşduğu bir şəhərdir.

Şəhər mismar və yapışqan istifadə olunmadan hazırlanmış mürəkkəb şəbəkədən tutmuş YUNESKO siyahısına daxil edilmiş tarixi mərkəzin zərif bütövlüyünə qədər, ipək ticarəti, sənətkarlıq və qədim yollar boyunca mədəni mübadilə daxil olmaqla əsrlərin yaradıcılığını əks etdirir.

Şəki xanlarının sarayı, karvansaraylar və ənənəvi həyət evləri kimi abidələrlə zəngin olan şəhər Azərbaycanın tarixini, kimliyini və davamlı ruhunu canlı şəkildə ifadə edir.

Shaki: Where shebeke, history and craftsmanship weave Azerbaijan’s livin... https://t.co/ByB5dbGJTY via @YouTube

— Hikmet Hajiyev (@HikmetHajiyev) January 26, 2026