Hakan Fidan: “Son səsvermədə 153 ölkə Qəzzada atəşkəsi dəstəkləyib”

“BMT Baş Assambleyasında Qəzzada atəşkəslə bağlı son səsvermədə 153 ölkə Qəzzada atəşkəsi dəstəkləyib”.

BAKU.WS oxu.az-a istinadən xəbər verir ki, bunu Türkiyənin xarici işlər naziri Hakan Fidan dekabrın 14-də Bakıda azərbaycanlı həmkarı Ceyhun Bayramovla birgə mətbuat konfransında deyib.

O qeyd edib ki, münaqişənin əvvəlində bitərəf qalan bir çox ölkə də sonradan fikrini dəyişərək Fələstinin yanında yer alıb:

“ABŞ-nin isə artıq BMT-də Qəzza ilə bağlı qərarların qarşısında yer almamağını istəyirik. Fələstinlilərə qarşı zülm sona çatmalıdır”.