Hakan Fidan: "Rusiya ABŞ-nin gözündə əlverişsiz vəziyyətə düşə bilər"

"Rusiya və Ukraynanın mümkün atəşkəs rejiminin həyata keçirilməsinə dair fərqli tələbləri var və hazırda bu məsələlər razılaşdırılmalıdır".

Bu barədə TRT telekanalına açıqlamasında Türkiyənin xarici işlər naziri Hakan Fidan danışıb.

"Əlbəttə, burada ABŞ də mühüm rol oynayır. ABŞ Prezidenti Donald Trampın iradəsi var, o, atəşkəsi dərhal görmək istəyir.

Hazırda Ukrayna və Avropa tərəfi Vaşinqtonun mövqeyinə uyğunlaşmaqda çeviklik nümayiş etdirirlər. Əgər Rusiya eyni səviyyədə uyğunlaşma və çeviklik göstərməsə, faktiki olaraq ABŞ-nin gözündə əlverişsiz vəziyyətə düşə bilər", - deyə o vurğulayıb.