Hakan Fidan Azərbaycana səfər edəcək

Türkiyənin xarici işlər naziri Hakan Fidan Azərbaycana səfər edəcək.

BAKU.WS xəbər verir ki, bu barədə Türkiyə Xarici İşlər Nazirliyinin rəsmi saytı məlumat yayıb.

Bildirilib ki, Hakan Fidan Azərbaycanın xarici işlər naziri Ceyhun Bayramovun dəvəti ilə iyulun 5-6-da Bakıda təşkil olunacaq Qoşulmama Hərəkatı Koordinasiya Bürosu nazirlərinin görüşünə qatılacaq.

Hakan Fidan iclas çərçivəsində Fələstin Nazirlər Komitəsi iclasına, eyni zamanda, Azərbaycanın Ümummilli Lideri Heydər Əliyevin 100 illiyinə həsr edilmiş tədbirə qatılacaq.

Hakan Fidanın həmkarları ilə ikitərəfli təmaslarının keçiriləcəyi qeyd olunub.