Haber Global: Hikmət Hacıyevin Dilican səfərində sülh gündəliyində duran vacib məsələlər müzakirə edildi

"Haber Global" Azərbaycan Prezidentinin köməkçisi Hikmət Hacıyevin Ermənistanın Dilican şəhərinə səfər etməsi və Ermənistan Respublikasının Təhlükəsizlik Şurasının katibi Armen Qriqoryanla görüşü ilə bağlı videomaterial hazırlayıb.

BAKU.WS xəbər verir ki, süjetdə görüş zamanı Azərbaycan və Ermənistan arasında sülh gündəliyində duran vacib məsələlərin müzakirə edildiyi qeyd olunub.

"Regionda daimi sülh və sabitliyin təşviqi səyləri çərçivəsində ikitərəfli dialoqun davam etdirilməsinin vacibliyi vurğulanıb. Tərəflər həmçinin iki ölkənin vətəndaş cəmiyyəti institutları arasında etimadın artırılması məsələlərini də müzakirə ediblər", - deyə süjetdə qeyd olunub.