"Haber Global": Azərbaycan Prezidenti Naxçıvandan mühüm bəyanatlar verdi

"Azərbaycan Prezidenti İlham Əliyev Naxçıvana səfəri çərçivəsində mühüm mesajlar verib".

BAKU.WS xəbər verib ki, bu barədə "Haber Global"ın yayımladığı videomaterialda qeyd olunub.

Dövlət başçısı xüsusilə də türk dünyası üçün vacib olan Zəngəzur dəhlizindən və bölgədə həyata keçirilən infrastruktur layihələrinin önəmindən danışıb. Prezidentin sözlərinə görə, Zəngəzur dəhlizi vasitəsilə ən azı 15 milyon ton yük daşımaq hədəflənib. Bundan başqa gələcəkdə ehtiyac olarsa, qaz kəmərləri də keçə bilər. Azərbaycan Prezidenti, həmçinin bir çox beynəlxalq təşkilatların və bəzi ölkələrin bu marşrutla, xüsusən də Azərbaycan dəmir yollarının Naxçıvan hissəsi ilə maraqlandıqlarını bildirib.