General: "Vətən müharibəsində Daxili Qoşunlarda 66 nəfər şəhid olub, 346 nəfər yaralanıb"

"Ali Baş Komandan İlham Əliyevin vahid komandanlığı altında dəmir yumruq kimi birləşən Silahlı Qüvvələrimiz, o cümlədən Daxili İşlər Nazirliyinin hərbi qulluqçuları və polis əməkdaşları Vətən müharibəsində şərəfli döyüş yolu keçib".

BAKU.WS xəbər verir ki, bunu Daxili İşlər Nazirliyi Daxili Qoşunlarının komandanının müavini general-mayor İnqilab Muradov Zəfər Gününün ikinci ildönümünə həsr olunan mərasimdə deyib.

O bildirib ki, Daxili Qoşunların şəxsi heyəti Murovdağdan Şuşaya qədər gedən döyüşlərdə iştirak edib:

"Torpaqların azad olunması zamanı 66 nəfər şəhidlik zirvəsinə ucalıb, 346 nəfərin yaralanıb. Dörd nəfər Vətən Müharibəsi Qəhrəmanı adına layiq görülüb. Minlərlə əməkdaş isə orden və medallarla təltif olunub".