Ermənistanın müdafiə naziri: "Saxlanılan Azərbaycan əsgəri diversant deyil"

Ermənistanın müdafiə naziri Suren Papikyan saxlanılan azərbaycanlı hərbçinin diversant olmadığını bildirib.

BAKU.WS erməni KİV-ə istinadən xəbər verir ki, Papikyan bunu oktyabrın 7-də parlamentdə keçirilən hökumət saatında deyib.

O bildirib ki, Azərbaycan əsgəri saxlanılarkən heç bir müqavimət göstərməyib:

"Bu amilin özü onun diversant olmadığını göstərir".

Papikyanın sözlərinə görə, hadisə barədə məlumat daxil olduqdan sonra aidiyyəti qurumlar tərəfindən zəruri tədbirlər görülüb və axtarış əməliyyatları aparılıb.

O qeyd edib ki, hərbçi ilə bağlı ətraflı məlumat xidməti araşdırma və istintaq tədbirləri başa çatdıqdan sonra açıqlana bilər.

Xatırladaq ki, oktyabrın 1-də saat 14:15-də Azərbaycan hərbçisi Nəsimi Musayev Ermənistanın təhlükəsizlik qüvvələri tərəfindən Zəngəzurun Şəki kəndi istiqamətində saxlanılıb.