Ermənistanda aksiya lideri sabahla bağlı çağırış edib

"Sabah səhər saat 10:30-da hər tərəfdən maşınlarla Respublika meydanına, hökumət binasına gedirik".

BAKU.WS news.am-a istinadən xəbər verir ki, bu barədə arxiyepiskop Baqrat Qalstanyan növbəti gün üçün fəaliyyət planını təqdim edərkən bildirib.

Arxiyepiskop qeyd edib ki, polis əməkdaşları avtomobilləri içəri buraxmasalar, hökumət binasına piyada yaxınlaşacaqlar.

“Gəlmək çox vacibdir, maşını olmayanları isə piyada gəlməyə dəvət edirəm. Bir şücaət göstərmək, qəhrəmanlıq göstərmək istəyən hamınızı dəvət edirəm”, deyə o əlavə edib.