Ərdoğan “Whatsapp”dan istifadədən imtina etdi

Türkiyə Prezidenti Rəcəb Tayyib Ərdoğan məxfilik siyasətinin dəyişikliyinə görə “Whatsapp” messencerindən imtina edib.

Bu barədə Türkiyə liderinin mətbuat xidmətinə istinadən “Bloomberg” bildirib.

Türkiyə Prezidenti administrasiyası təhlükəsizliklə problemlərinə görə öz qruplarını daha əvvəl vatsapda yaradılmış, “Turkcell Iletisim Hizmetleri AS”a aid olan BiP proqramına köçürüb. Prezidentin ofisi öz bəyanatında jurnalistləri də BiP-ə keçməyə çağırıb.

Qeyd edək ki, bundan əvvəl ‘WhatsApp” istifadəçilərinin məlumatlarının “Facebook”-la bölüşüləcəyi məlum olub.

“WhatsApp”-ın səhmlərinə nəzarət edən “Facebook” belə qərar verib.