Əl-Qəssam Briqadalarının İsrail hərbçilərini əsir götürdüyü görüntülər yayıldı - VİDEO

HƏMAS-ın silahlı qanadı Əl-Qəssam Briqadalarının İsrailə qarşı həyata keçirdiyi “Əl-Əqsa tufanı” əməliyyatı ilə bağlı yeni görüntülər yayılıb.

BAKU.WS xarici KİV-ə istinadən xəbər berir ki, görüntülərdə Həmas üzvləri Kissufim hərbi bazasına basqın edərək İsrail əsgərlərini əsir götürüblər.

Bədən kamerasına lentə alınan anlarda Həmas üzvlərinin bazaya basqın etdiyi, bir neçə İsrail əsgərini öldürdüyü, bir neçə əsgəri əsir götürdüyü görülüb.

Xatırladaq ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. Nəticədə ümumilikdə ölənlərin sayı 1 200-ü keçib, 2 500-ə yaxını yaralanıb. İsrail ordusu "müharibə hazırlığı vəziyyəti" elan edib və cavab olaraq "Dəmir Qılınclar" əməliyyatına başladığını bildirib.