Co Bayden Fransiski mükafatlandırdı

ABŞ Prezidenti Co Bayden Roma Papası Fransiski ABŞ-nin ən yüksək mülki dövlət mükafatı olan "Fərqlənməyə görə Prezident Azadlıq Medalı" ilə təltif edib.

BAKU.WS xəbər verir ki, Ağ Evin mətbuat xidməti məlumat yayıb.

Mətbuat xidmətinin açıqlamasında deyilir: "Bu gün Prezident Bayden Papa Fransisk ilə danışaraq onu Fərqlənməyə görə Prezident Azadlıq Medalı ilə təltif etdiyini bildirib."

Qeyd edək ki, Prezident Azadlıq Medalı ABŞ-nin mülki şəxslərə təqdim etdiyi ən yüksək mükafatdır və cəmiyyətə mühüm töhfələr verən şəxslərə verilir.