"Çukur"un çəkildiyi Balatda yanğın - FOTO

Türkiyənin məşhur "Çukur" serialı çəkilən İstanbulun Balat ərazisində yerləşən "Balat Oyuncaq Muzeyi"ndə naməlum səbəbdən yanğın baş verib.

BAKU.WS Türkiyə mediasına istinadən xəbər verir ki, hadisə yerli vaxtla saat 05:00 radələrində Yavuz Sultan Səlim Məhəlləsində qeydə alınıb.

Əraziyə polis, xilasetmə və tibb qrupları cəlb edilib.

Yanğın səbəbindən muzey yararsız hala düşüb, binanın daxili hissəsində çökmələr baş verib.

Ölən və yaralananın olmadığı yanğın yanğınsöndürənlərin təxminən 1 saatlıq işindən sonra nəzarətə götürülüb və söndürülüb.

Yanğının başvermə səbəbləri araşdırılır.

Qalereya