Bu ölkədə kanalizasiya suyunun emal edilərək içilməsinə icazə verildi

ABŞ-ın Kaliforniya ştatında Dövlət Su Ehtiyatlarına Nəzarət Şurası lazımi təmizləmələrən sonra kanalizasiya suyunun içməli su kimi istifadəsinə icazə vermək qərarına gəlib.

BAKU.WS-in xəbərinə görə, bu barədə "The New York Times" yazır.

Rəsmilər davamlı quraqlıq səbəbindən duş və tualetlərdən gələn tullantı sularının təmizlənməsinin və təkrar istifadəsinin lehinə səs veriblər.

Oxşar qaydalar artıq Kolorado ştatında da mövcuddur.

Məqalədə deyilir: "San Dieqo, Los-Anceles və Santa Klara yüz minlərlə ev təsərrüfatını içməli su ilə təmin edə biləcək təmizləyici sistemlər qurmağa hazırlaşır".

Nəşr xatırladıb ki, ABŞ-ın qərbindəki bir çox quraq ərazilərdə təmizlənmiş tullantı suları artıq suvarma üçün və ya yeraltı sulu təbəqələrin doldurulması üçün istifadə olunur və burada torpaqla süzüldükcə daha da təmizlənir.

Məqalədə deyilir ki, bu qərar ölkənin ən sıx məskunlaşdığı ştatı olan Kaliforniyada suyun təmizlənməsi texnologiyalarında yeni inkişafların meydana çıxması və su təchizatını pozması səbəbindən qəbul edilib.