Birləşmiş Krallıq Azərbaycandakı icmalara humanitar yardım göstərib

Böyük Britaniya BMT-nin İnkişaf Proqramı (UNDP), Beynəlxalq Qırmızı Xaç Komitəsi (ICRC) və UNİCEF-in Azərbaycan ofisi ilə birgə əməkdaşlığı çərçivəsində Dağlıq Qarabağdakı münaqişədən sonra icmalara humanitar yardım göstərir.

BAKU.WS xəbər verir ki, bu barədə Böyük Britaniyanın Avropa qonşuluğu və Amerika bölgəsi üzrə dövlət naziri Vendi Morton “Twitter” səhifəsində paylaşım edib.

“Dünən UKAid-in (Böyük Britaniyanın Beynəlxalq İnkişaf Agentliyi - red) insanlara necə kömək etdiyini eşitməkdən və bundan sonra verə biləcəyimiz dəstəklə bağlı müzakirədən məmnun oldum”, - deyə V.Morton əlavə edib.