Banqladeşdə iğtişaşlar davam edir: Bir gündə 109 nəfər həyatını itirdi

Banqladeşdə iğtişaşlar nəticəsində bir gün ərzində 109 nəfər həyatını itirib.

BAKU.WS "əl-Ərəbiyyə" telekanalına istindən xəbər verir ki, Banqladeşdə son dövrlərdə etiraz aksiyaları nəticəsində baş verən iğtişaşlar faciəvi nəticələrə səbəb olub. Ölkədəki etirazlar nəticəsində bir gündə ən azı 109 nəfər həyatını itirib.

Yerli hüquq-mühafizə orqanlarının və fövqəladə xidmətlərin məlumatına görə, iğtişaşlar nəticəsində ümumi ölüm sayı 409 təşkil edib.

Bu faciəvi məlumatı "Agence France-Presse" agentliyi də təsdiqləyib. Bəzi mənbələrə görə, etiraz aksiyaları qarşısıalınmaz şəkildə genişlənib və bu, ölkə üzrə geniş miqyaslı iğtişaşlara səbəb olub. Tərəflər arasında gərginlik artaraq, təhlükəsizlik qüvvələri ilə münaqişələr və zorakılıq halları daha da şiddətlənib.