COP29 tədbirinin rəsmi açılış mərasimi keçirilib

Bakıda BMT-nin İqlim Dəyişikliyi üzrə çərçivə Konvensiyasının Tərəfləri Konfransının 29-cu sessiyasının (COP29) rəsmi açılış mərasimi keçirilib.

Oxu.Az bildirir ki, mərasimi COP28 sədri, Birləşmiş Ərəb Əmirliklərinin (BƏƏ) sənaye və qabaqcıl texnologiyalar naziri Sultan Əhməd Əl-Cabiri açıb.

Sonra COP29-un seçilmiş sədri Muxtar Babayev, ardınca BMT-nin İqlim Dəyişmələri üzrə Çərçivə Konvensiyasının icraçı katibi Saymon Stil çıxış ediblər.

***12:05

"İqlim dəyişmələrinin qarşısının alınması səylərini sürətləndirmək üçün beynəlxalq karbon bazarlarının fəaliyyətə başlaması zəruridir".

Oxu.Az bildirir ki, bu barədə BMT-nin İqlim Dəyişmələri üzrə Çərçivə Konvensiyasının icraçı katibi Saymon Stil Bakıda BMT-nin İqlim Dəyişmələri üzrə Çərçivə Konvensiyasının Tərəfləri Konfransının 29-cu sessiyasının (COP29) açılışında bildirib.

"Məhz burada, Bakıda, Paris Sazişinin 6-cı maddəsinə dair razılaşmanı tamamlamaqla beynəlxalq karbon bazarlarının fəaliyyətinə başlamalıyıq", - S.Stil vurğulayıb.

***11:29

Bakıda BMT-nin İqlim Dəyişmələri üzrə Çərçivə Sazişinin Tərəflər Konfrasının 29-cu Sessiyasının (COP29) açılış mərasimi başlayıb.

Tədbiri giriş sözü ilə COP28-in Prezidenti Sultan Əhməd Əl-Cabir açıb.