"Bakı Fəaliyyətə Çağırış" Cənub-Cənub və Şimal-Cənub əməkdaşlığı üçün yeni imkanlar açır

Bu gün Ümumdünya Şəhərsalma Forumunun 13-cü sessiyasının (WUF13) yekunlarına əsasən qəbul edilmiş "Bakı Fəaliyyətə Çağırış" Cənub-Cənub və Şimal-Cənub xətti üzrə əməkdaşlığın yeni formaları üçün imkanlar açır.

BAKU.WS "Report"a istinadən xəbər verir ki, bu barədə çağırışın mətnində deyilir.

Sənədə əsasən, Ümumdünya Şəhərsalma Forumunun yekunları 2030-cu ildən sonrakı qlobal gündəliyin formalaşdırılması üçün izlənilə bilən öhdəlikləri, uğurlu proqram və layihələrin sənədləşdirilməsini, eləcə də praktiki icra mexanizmlərinin mübadiləsini özündə ehtiva etməlidir.

Sənəddə həmçinin bildirilib ki, yerli və milli proseslər mənzil gündəliyi ətrafında siyasi dinamikanın gücləndirilməsinə kömək edir.

Xüsusilə, Yeni Şəhər Gündəliyi üzrə Nazirlər Görüşünün yekun sənədləri, İkinci Afrika Şəhərlər Forumunun Nayrobi Bəyannaməsi və əlçatan, inklüziv və iqlim dəyişikliklərinə davamlı mənzil məsələlərinə həsr olunmuş digər regional sazişlər qeyd edilir.

"Bakı Fəaliyyətə Çağırış" həmçinin Cənub-Cənub və Şimal-Cənub xətti üzrə yeni əməkdaşlıq, təlim və qarşılıqlı fəaliyyət formaları üçün imkanlar açır", - sənəddə bildirilib.