Azərbaycan XİN-dən Ermənistana cavab - FOTO

“Ermənistan Xarici İşlər Nazirliyi Laçın yolu ilə bağlı yalan xəbərləri təbliğ etməkdə davam etdirir”.

BAKU.WS xəbər verir ki, bu sözləri Azərbaycan Xarici İşlər Nazirliyinin mətbuat katibi Ayxan Hacızadə özünün tvitter səhifəsində yazıb.

Diplomat bildirib ki, Ermənistan XİN Laçın yolunun blokadası və Qarabağda yaşayan ermənilərin sayı barədə yalan məlumatlar yaymağa davam edir.

“Ancaq sosial şəbəkələrdə yayılan çoxsaylı videogörüntülərdə aydın görünür ki, avtomobillər Laçın yolundan sərbəst keçir”, - deyə o qeyd edib.

Qeyd edək ki, Ermənistan XİN, azərbaycanlı ekofəallar, QHT nümayəndələri, ictmai-siyasi fəalların Şuşa-Xankəndi yolunda keçirdiyi aksiya ilə bağlı bəyan edib ki, ekoaktivistlər Laçın yolunu bağlayıb və 120 min erməni humanitar böhranla üz-üzə qalıb.

Spokesperson @MFAofArmenia continues to promote false narratives about the road "blockade" and number of #Armenians present in Garabag region of #Azerbaijan. Numerous videos circulated on social media clearly show cars freely passing through the Lachin road. https://t.co/90rcSjlAKY

— Aykhan Hajizada (@Aykhanh) December 20, 2022