Azərbaycan 5 ölkə ilə vizasız gediş-gəliş barədə danışıqları davam etdirir

Azərbaycan vətəndaşlarının vizasız səyahət imkanlarının artırılması istiqamətində danışıqlar davam edir.

BAKU.WS xəbər verir ki, bu barədə xarici işlər naziri Ceyhun Bayramov ilin yekunlarına dair keçirilən mətbuat konfransında jurnaliatlərin sulların cavablamndırarkən deyib.

Nazir bildirib ki, vizasız rejim tətbiq edən ölkələrin sayının artırılması üçün Xarici İşlər Nazirliyi mütəmadi iş aparır və bu prosesdə qarşılıqlılıq prinsipi də nəzərə alınır:

"Hazırda Azərbaycan vətəndaşları BƏƏ, Qətər, Mərakeş, Serbiya və Çin kimi ölkələrə vizasız səfər edə bilirlər. Qeyd edək ki, bu, əsasən mülki pasporta malik şəxslərə aiddir.

Diplomatik pasport sahibləri üçün isə vizasız səyahət imkanları daha genişdir. 2025-ci il ərzində bu sahədə 10 yeni saziş imzalanıb və hazırda diplomatik pasportla səyahət edilə bilən ölkələrin sayı 74-ə çatıb."