Atası hərbi pilot olan aktyor: "Helikopter göydən enəndə deşik-deşik olurdu" - FOTO

Türkiyəli aktyor İlker Aksum yeni açıqlaması ilə gündəmə gəlib.

BAKU.WS Türkiyə KİV-ə istinadən xəbər verir ki, "Biz bize" proqramına qonaq olan aktyor atasının 90-cı illərdə hərbi pilot olduğunu deyib.

Hazırda rol aldığı "Nefes: Yer Eksi İki" filmində çəkilən İlker, ekran işinin ona atasını xatırlatdığını deyib:

"Demək olar uşaqlıq illərim hərbi düşərgədə keçib. 90-cı illərdə atam hərbi pilot idi. Hər dəfə helikopter göydən enəndə deşik-deşik olurdu. Mən də bu ana bir neçə dəfə şahid oldum. Atamın bir çox dostu şəhid oldu. Qürur dolu və kədərli anlar yaşadım. Filmdə helikopter səhnəsini görəndə çox duyğulandım bu səbəbdən də ağlamağa başladım".