Argentinanın sabiq prezidenti keçmiş birinci xanımı döyməkdə ittiham olunur

Çərşənbə günü Argentinanın keçmiş prezidenti Alberto Fernandes keçmiş birinci xanım Fabiola Yanezə qarşı zorakılıqda ittiham olunub.

BAKU.WS "Associated Press"ə istinadən xəbər verir ki, prokuror Fernandesi keçmiş həyat yoldaşına qarşı "ikiqat ağırlaşdırılmış yüngül və ağır bədən xəsarəti" və "məcburiyyətlə hədələmə" cinayətlərində ittiham edib.

Qonzales həmçinin sübutların toplanması üçün əlavə tədbirlər, o cümlədən prezidentin keçmiş həkimi Federiko Saavedra və prezidentin keçmiş katibi Mariya Kanterodan ifadələrin alınmasını tələb edib.

2019-2023-cü illərdə Argentinanın prezidenti olmuş Fernandez ittihamları qəti şəkildə rədd edib və məhkəmələrdə “əslində nə baş verdiyini” sübut edəcəyinə söz verib.

Çərşənbə axşamı Yanez Argentina federal məhkəməsində Fernandesi gender əsaslı zorakılıqda ittiham etdiyi bir işdə ifadə verib. Keçmiş birinci xanım, yaşadığı Madriddəki Argentina konsulluğundan video bağlantı vasitəsilə ifadə verib, prokuror Qonzalesə keçən həftə yazılı şəkildə verdiyi şikayəti təsdiqləyib.