Aktivistlər Almaniyada hava limanını reysləri ləğv etməyə məcbur buraxdı - FOTO

Almaniyanın ən işlək hava limanı cümə axşamı günü iqlim aktivistlərinin yay tətili mövsümünün ortasında bütün Avropa üzrə hava nəqliyyatını pozmaq üçün koordinasiyalı səylərindən sonra 100-dən çox reysi ləğv edib.

Bu barədə AP məlumat verib.

Frankfurt-na-Mayne hava limanından bildirilib ki, iqlim dəyişikliyi hərəkatının fəalları hasarları dağıtdıqdan sonra təhlükəsizlik səbəbindən uçuşlar dayandırılıb ki, bu da polisin, yanğınsöndürənlərin və hava limanının təhlükəsizlik işçilərinin reaksiyasına səbəb olub.

Bütün uçuş-enmə zolaqları bir neçə saat sonra bərpa edilib. Hazırda təxminən 140 reys ləğv edilib, lakin gün ərzində əlavə ləğvlərin olacağı gözlənilir.

Ekoloji təşkilatlar bu yay ərzində bütün Avropa üzrə hava limanlarında aksiyalar keçirməyi planlaşdırdıqlarını və bununla insanlara təyyarələrdə istifadə olunan fosil yanacaqlar və iqlim dəyişikliyi arasındakı əlaqəni xatırlatmaq istədiklərini bildiriblər. Təşkilatlar dünya ölkələrini 2030-cu ilə qədər fosil yanacaqların çıxarılmasını və yandırılmasını dayandırmağa çağırırlar.

Qalereya