Acun Ilıcalı 1100 işçisini ailələri ilə birlikdə istirahətə apardı - VİDEO

Türkiyə iş adamı və prodüser Acun Ilıcalı maraqlı addımı ilə diqqət çəkib.

BAKU.WS xəbər verir ki, o şirkətində çalışan 1100 işçisini özü ilə istirahətə aparıb.

"Acunmedya" və "TV8" kanalının bütün əməkdaşları ailələri ilə birlikdə turistlərin ən çox üz tutduğu kurort bölgələri Alaçatı və Çeşmedə dincəliblər.

İstirahət zamanı işin stress və gərginliyini üzərindən atan işçilər daha sonra İstanbula qayıdaraq yeni mövsümün hazırlığına başlayıblar.

Ilıcalı işçilərini gələn il də istirahətə aparacağına söz verib.