Cavanşir Quliyev: Hal-hazırda yaxşıyam, demək olar ki, əvvəlki vəziyyətə dönmüşəm
![Cavanşir Quliyev: Hal-hazırda yaxşıyam, demək olar ki, əvvəlki vəziyyətə dönmüşəm](https://baku.ws/storage/photos/thumbs/large/1708453141_534335c0-7674-3b31-82ac-fbe62f34aaa6_850.webp)
Hal-hazırda yaxşıyam, demək olar ki, əvvəlki vəziyyətə dönmüşəm. Bu müddət ərzində üç əməliyyat keçirdim, ürək, beyin və qarın boşluğunda əməliyyat oldum.
"Report" xəbər verir ki, bu sözləri Heydər Əliyev Fondu tərəfindən Türkiyədə müalicə olunan Azərbaycanın Əməkdar incəsənət xadimi, bəstəkar Cavanşir Quliyev Real TV-yə müsahibəsində deyib.
Bəstəkar Heydər Əliyev Fonduna və fondun prezidenti, Azərbaycanın birinci xanımı Mehriban Əliyevaya ona göstərilən yüksək diqqət və qayğıya görə minnətdarlığını ifadə edib: "Burada əsas yardımın vaxtında edilməsi idi. Bu çətin vaxtda mənə dəstək olanlara minnətdaram”.
Yaxın günlərdə müalicəsini bitirərək Bakıya dönəcəyini və fəaliyyəti ilə bağlı planlarının olduğunu bildirən C.Quliyev səhhəti barədə yayılan yalan informasiyalara da münasibət açıqlayıb:
"Lütfən dedi-qodulara inanmayın. Xüsusən də insanların sağlamlığı ilə. Rəsmi xəbər hardasa var, yəni olmaya bilməz".
Oxşar xəbərlər
Bəstəkar Cavanşir Quliyev əməliyyat olundu - YENİLƏNİB/VİDEO
Əməkdar incəsənət xadimi, bəstəkar Cavanşir Quliyev İstanbulda, müalicə aldığı xəstəxanada əməliyyat olunub. Bunu Diasporla İş üzrə Dövlət Komitəsinin Təbliğat,...