VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Avqustun 8-də Belarus Ali Məhkəməsi 42 yaşlı azərbaycanlı "qanuni oğru" Rəşad Gəncinski kimi tanınan Rəşad İsmayılovun hökmdən verdiyi şikayətə baxıb.

R.İsmayılova yeni cəza təyin edilərkən məhkəmə onun çəkdiyi cəzanı yetərli hesab edib və "qanuni oğru"nu həbsdən 8 il 3 ay əvvəl azadlığa buraxılması barədə qərar qəbul edib.

Niyə həbs edilmişdi?

Qeyd edək ki, Rəşad Gəncinski 2018-ci ilin noyabrında Belarus hüquq-mühafizə orqanlarının əməkdaşları tərəfindən Minsk yaxınlığındakı elit klubların birində silah, narkotik maddələr və saxta sənədlərlə saxlanılmışdı.

BAKU.WS “Musavat.com”a istinadən bildirir ki, Minsk Rayon Məhkəməsi ötən ilin iyulunda Rəşad Gəncinskinin 10 il azadlıqdan məhrum olunması haqda qərar qəbul edib.

Rəşad Gəncinski məhkəmədə son sözlə çıxışında öncə silahla bağlı ittihamdan danışıb. Deyib ki, onun şəxsi təhlükəsizlik xidməti olub və onu qanuni silahla qoruyublar. Amma Belarusa gələrkən silaha buna heç bir ehtiyac hiss etməyib və bu səbəbdən üzərindən silah tapılması ittihamını rədd edir.

"Mən o paslanmış tapançanın şəklini gördüm. Əgər kimsə mənim yanımda o cür silah gəzdirsəydi, utanardım". Gəncinski deyib ki, onu həbs edərkən ona silahla bağlı heç nə deməyiblər.

Yalnız səhəri gün müstəntiqlər ona silahın şəklini göstərərək axtarış zamanı tapıldığını və əl izlərinin olduğunu deyib. "Qanuni oğru" yada salıb ki, onu bir müddət əvvəl Abxaziyada yaralayıblar. "Mən özümlə dırnaqtutan belə gəzdirmirəm", - deyə o məhkəmədə bildirib.

Saxta pasport ittihamına gəlincə, o bildirib ki, 2012-ci ildən bu pasportu istifadə edir. "Bəli, mənim pasportum var, amma hansı mənzilimdə olduğunu bilmirəm.

Mən Gürcüstanda, Yunanıstanda, hər yerdə bu pasportu istifadə etmişəm. Belarusda da heç bir qanun pozuntum olmayıb. Qoy bir nəfər desin ki, burada kimisə incitmişəm, hansısa pis niyyətim olub. Bura pul xərcləməyə gəlmişdim".

Gəncinski məhkəmədə ilginc açıqlama da vermişdi. "Siz tez-tez təkrar edirsiniz: oğru, oğru, oğru...

Mən küçədən gəlməmişəm. Hamı hər şey deyə bilər. Mənim xəstə anam var, əməkdar elm xadimi, elmlər namizədidir. 66 yaşında olan anam mənim himayəmdədir. Mənim vəfat edən atam akademik olub, onu Belarusda da yaxşı tanıyırlar".

Gəncinski deyib ki, o, Belarusda kiminsə cibinə girməyib, kiməsə pislik etməyib. "Mənim biznesimlə 30-dan yuxarı ailə dolanır.

Mən uşaq evlərinə gedirəm, yetimlərə sponsorluq edirəm ki, rahat böyüsünlər və narkotikdən uzaq olsunlar. Hər yerə getdiyim pasportla Belarusa da gəlmişəm. Bura gəlməyin mümkün olmadığını bilmirdim. İndi mənə 10 il həbs cəzası kəsirsiniz. Niyə axı...?"

Rəşad Gəncinski kimdir?

İsmayılov Rəşad Məmməd oğlu 1978-ci ildə Gəncə şəhərində Abbas Səhhət adlanan yerdə anadan olub. Gənc yaşlarında doğulub böyüdüyü məhəllədə adı xırda cinayətlərə qarışıb.

Daha sonra onun da yolu Moskvadan keçib. Burada gəncəlilərin güclü olduğu bazarlarda tanınmağa başlayıb. Bir-iki dəfə Rusiya həbsxanalarında qısa müddətli cəzalar çəkib. 2010-cu ildə qanunsuz silah saxladığına görə 1 il müddətinə azadlıqdan məhrum edilib.

Liderlik qabiliyyəti, Rusiyada olan azərbaycanlılar arasında olan hörməti Rəşadı "qanuni oğru"lara yaxınlaşdırıb.

2013-cü ilin fevralında Moskvada böyük "sxodka" keçirilir. Həmin "sxodka"da azərbaycanlı "qanuni oğrular"dan Vaqif Süleymanov (Vaqif Diplomat), Əlibaba Həmidov (Qoca Yasamalinski), Arif Mehdiyev (Arif Sumqayıtski), Yunus Nəzərov (Yunus Yasamalinski), Baxış Əliyev (Vaxa) iştirak edib.

"Sxodka"da "Rəşad Gəncinski" "qanuni oğru" kimi taclandırılıb.

Rəşad Gəncinski "qanuni oğru" adını aldıqdan bir qədər sonra Nadir Səlifova (Quli Bakinski) yaxınlaşmağa başlayıb.

Rusiya hüquq-mühafizə orqanlarındakı mənbə bir müddət əvvəl iddia etmişdi ki, Rəşad Gəncinski qanqsterlər arasındakı söhbətlərdən birində Rövşən Lənkəranskinin onun əmri ilə "o biri dünyaya göndərdiklərini" deyibmiş. Rəşad Gənsinski bildiribmiş ki, Lənkəranskinin qətlinin motivi onun yaxın dostu, "göyərti kralı" kimi tanınan biznesmen Cambulat Şamiloğlunun öldürülməsidir.

BAKU.WS
QALEREYA