ARB TV-nin "Gəlin danışaq" verilişinin növbəti qonağı əməkdar artist Xumar Qədimova olub.

BAKU.WS xəbər verir ki, ilk olaraq müğənni uşaqlıq illərindən və bacısının ona rəftarından danışıb:

"Sevinc adında bacım var. Mənə qan uddurub. Bacım məni tez-tez döyürdü. Məndən kök və canlı idi deyə məni rahatlıqla üstələyirdi. Çox qəddar idi. Mən onsuz qala bilmirdim, gedirdim yanına, halbuki məni döyən odur. Üzr istəməli olan tərəf də odur. Amma mənə deyirdi ki, üzr istəməsən barışmayacam. Sevəndə çox zəif oluram. Qürur falan heç nə qalmır. Sevdiyim insanları bağışlaya bilirəm, amma elədiklərini unuda bilmirəm".

Daha sonra ifaçı xəyanət haqda da söz açıb:

"Güvəndiyin insan sənin stimulundur. O, xəyanət etdisə, daha nəyə yaşayasan. Güvəndiyim insan xəyanət edib, incidib. Bağışlamadım. Hər şey bitdi. Nə eləsə də mümkün deyil. Ən qiymətli hədiyyə də olsa, mümkün deyil".
 
Aynur Ələkbərova
BAKU.WS