Artilleriya qoşunları komandanı: “Bizim itkimiz düşmənin itkisindən iki dəfə azdır”

“Çox təəssüf ki, qələbə itkisiz əldə olunmur. Mən şəhidlərimizə Allahdan rəhmət, yaralılarımıza şəfa diləyirəm”.

BAKU.WS “report”a istinadən xəbər verir ki, bunu Azərbaycan Ordusunun Raket və Artilleriya Qoşunlarının komandanı, general-mayor Ağamir Sultanov jurnalistlərə açıqlamasında deyib.

“Onu da xüsusi qeyd edim ki, bizim hücuma keçən tərəf kimi, itkimiz müdafiə olunan düşməndən iki dəfə azdır. Yəni, düşmənin itkiləri bizimlə müqayisədə iki dəfədən çoxdur”, - deyə o vurğulayıb.