Yasamalda yük avtomobili yanıb - VİDEO

Fövqəladə Hallar Nazirliyinin “112” qaynar telefon xəttinə Bakı şəhərinin Yasamal rayonu, D.Bünyadzadə küçəsində yük avtomobilində yanğın baş verməsi barədə məlumat daxil olub.

BAKU.WS FHN-ə istinadən xəbər verir ki, məlumatla əlaqədar dərhal FHN-in Dövlət Yanğından Mühafizə Xidmətinin yanğınsöndürənləri hadisə yerinə cəlb olunub.

Yanğınsöndürənlərin çevik müdaxiləsi sayəsində “FORD TRANSİT” markalı yük avtomobilinin kabin hissəsində baş vermiş yanğın digər hissələrinə keçməsinə imkan verilmədən qısa müddətdə söndürülüb.

Avtomobilin böyük hissəsi yanğından mühafizə olunub.