Xatun ölən qardaşına restoranda ad günü etdi - VİDEO

Müğənni Xatun Əliyeva mərhum stilist qardaşı Balaşa ad günü edib.

BAKU.WS-in məlumatına görə, məclis şəhər restoranlarından birində keçirilib.

İfaçını həmin gün sənət dostları da tək qoymayıb. Əməkdar artist Mətanət İsgəndərli, müğənni Nazənin, aparıcı Lamiyə Ələkbərova da qonaqlar arasında olub.

"Qısa ömrün şərəfli yolu. Bu gün Balaşın Balaşsız günüdür. Yaşasaydı, 39-cu baharını qeyd edəcəkdik. Vaxtsız gedişin qəm yükümə fərmandır. Yazı yazan belə yazdı, əzizim. Xatirəsi sevənləri və doğmaları üçün əziz olan Balaş, yerin behişt, ruhun şad olsun. Mövludun mübarək", - deyə Xatun paylaşımında qeyd edib.

Xatırladaq ki, Balaş ötən il xərçəng xəstəliyindən dünyasını dəyişib.