Üzərindən "KamAZ" keçən şəxs xəstəxanada ölüb

Şabran rayonunda dəmir yolu xəttinin inşası zamanı bədbəxt hadisə baş verib.

"Report"un Şimal bürosunun məlumatına görə, "KamAZ" markalı yük avtomobili həmin ərazidə çalışan işçi, 1992-ci il təvəllüdlü Rüstəmov Rüstəm Ağacan oğlunun üzərindən keçib.

Nəticədə R.Rüstəmov müxtəlif dərəcəli bədən xəsarətləri ilə Şabran Rayon Mərkəzi xəstəxanasına çatdırılıb.

Rüstəm Rüstəmovun xəsarətləri ağır olduğuna görə paytaxtdakı xəstəxanaların birinə göndərilib. Həmin xəstəxanada həkimlərin səyinə baxmayaraq, onun həyatını xilas etmək mümkün olmayıb.

Faktla bağlı araşdırma aparılır.

Qeyd edək ki, sözügedən tikintini "Kolin İnşaat" şirkəti həyata keçirir.